Македонскиот претседател Стево Пендаровски при посетата на рудникот Саса во Македонска Каменица денеска за медиумите изјави дека неговата перцепција укажува дека бизнис-заедницата, покрај политиката, не треба да влијае на истрагата во сучајот „Рекет“ на јавното обвинителство.

- Да бидеме стрпливи, да видиме што ќе покаже истрагата. Сега во овој момент не би сакал да коментирам како одат работите. Важно е дека тргнаа напред. Сакаме да видиме брза и темелна истрага, и истрага во која нема да се чувствуваат надворешни влијанија, ниту од бизнис-заедницата, ниту евентуално од страна на политичарите, рече Пендаровски.

Пендаровски додаде дека според информациите со кои располага, нема владино мешање за тоа во која насока да оди истрагата за оваа афера и дека немало заплашувања од страна на политички функционери до одредени сведоци да даваат информации за случајот.

- Ако ме прашувате мене, генерално во една реченица ќе кажам дека генерално во државата постои амбиент во кој политиката не се меша во работата на судовите и обвинителствата и тоа така се надевам и дека ќе остане, додаде шефот на државата.

Тој рече дека во принцип нема ништо против странски стручни лица во иднина да работат на поддршка на македонскиот правосуден систем