ПАВЛЕ БОГОЕВСКИ: Да ги прашаме работниците кои јадеа ќотек од вмровски газда дали им е битно кој го врати ВМРО
Поранешниот пратеник и граѓански активист, Павле Богоевски, реагира на некои постапки кои се случуваат откако опозицијата освои победа на локалните избори.
Тој преку својот фејсбук профил прашува дали на рабнотниците, кои, како што вели, јаделе ќотек од вмровски газда, им е битно кој го вратил ВМРО.
"Вие го вративте вмро!!!"
"Не, ВИЕ го вративте вмро!!!"
Да ги прашаме работниците кои вчера јадеа ќотек од вмровскиот газда бидејќи "Петре изгуби", дали на нив им е битно кој го врати вмро“, пишува во својот статус Павле Богоевски.
Инаку, Богоевски смета дека времето ќе покаже дали одлуката на премиерот и лидер на СДСМ, Зоран Заев за оставките, е правилна. Ова Богоевски го коментираше за Утрински брифинг.
Според него, локалните избори особено за град Скопје секако дека имаат влијание и врз централното владеење.
„Многу е лесно да се правите генерал после битка. Заев претставува нов бренд на политичар на Балканот, претставува човек што испорачува тоа што ќе го најави“, коментира Боегоевски.
„Претпоставувам дека причината за таа одлука е да им се укаже на граѓаните што ќе се случува ако се врати ВМРО-ДПМНЕ, и веќе гледаме што се случува во општините каде ја презедоа власта. Најавуваат дека нема да го почитуваат договорот од Преспа, а со тоа и Уставот повикувајќи се на закон. Законот никако не може да биде над Уставот и доколку има некој закон кој не соодветствува со Уставот тој мора итно да се измени или исфрли“, веи Богоевски.
Тој вели дека веќе започнале одмазди на локално ниво против луѓето кои биле вработени во време на претходната власт.
„Во четврток никој не може да каже што ќе се случува, од искуство кога станува збор за ваквите напнати ситуации неизвесноста ќе трае до последната секунда“, вели Богоевски.
Слично
Поврзани вести
