Сообраќајот на превојот „Стража“ во моментот е во прекин заради попречено возило на патот кај „Тајмишка Раскрсница“. 

Исто така, сообраќајот на патниот правец Ресен-Битола се одвива отежнато поради наноси од снег.

- Регионалниот ЦУК Охрид, известува дека поради попречено возило на патот кај „Тајмишка Раскрсница“ кон превојот „Стража“ во моментот патниот правец е во прекин, при што се создаваат колони со возила. Екипите на ЈП за одржување и заштита на магистралните и регионалните патишта работата на расчистување на патниот правец на превојот „Стража“ - соопштуваат од ЦУК. 

Од оваа институција исто така додаваат дека од регионалниот ЦУК Битола, добиле известување дека сообраќајот на патниот правец Ресен-Битола се одвива отежнато поради наноси од снег и дека имало повеќе возила кои се лизнале од патот.

- Екипите на ЈП за одржување и заштита на магистралните и регионалните патишта и на овој патен правец работеле за расчистување на наведениот патен правец - посочуваат од ЦУК.

Исто така проблеми се појавија и на патот Крива Паланка - граничен премин „Деве Баир“. 

Имено, по 16:30 часот, патниот правец Крива Паланка - граничен премин „Деве Баир“ е затворен за тешки товарни возила, според известувањето на ЈП за одржување и заштита на магистралните и регионалните патишта. 

Граѓани кои се заглавени на „Стража“ споделуваат видеа од состојбата на терен и иронично коментираат дека „традицонално“ годинава снегот повторно ги изненади службите задолжени за рачистување. 

Фото: Принтскрин/Фејсбук