Политичките партии се растрчаа низ дијаспората пред да почне изборната кампања.

Кај иселениците тие ќе ловат гласови за да добијат пратеник.

Засега трите големи партии, СДСМ , ВМРО-ДПМЕН и ДУИ ги интензивираа контактите со иселениците, а може да се надеваат на двајца пратеници од дијаспората и покрај високиот праг за избор од околу 6.500 гласови за едно место.

Од владеачката партија, Рамазан Мифтароски може да влезе во Собрание како пратеник од дијаспората. СДСМ го предлага претседателот на партиската организација од Локарно, Швајцарија додека ДУИ ќе се бори со Џевдет Спахиу.

Официјалните податоците од ДИК, покажуваат дека од дијаспората се пријавиле околу 18.700 потенцијални гласачи, што значи дека иселениците најмногу да се надеваат на двајца пратеници, додека за третиот малку е веројатно дека ќе ги собере потребните гласачи.