Денешното присуство на претставници на пратеничките групи во Собранието на Република Македонија било самоиницијативно и според засега неофицијални информации однапред да се постави основа за договор за локалните избори со оглед на тоа што мандатот на градочалниците и советите на општините истекува на 15 мај.

Затоа во понеделник треба да се одржи и формална координативна средба кај претседателот на Собранието Талат Џафери, но договорот за локалните избори засега виси во воздух бидејќи се уште постојат спротиставени ставови. ВМРО-ДПМНЕ не го признава Џафери како легитимен собраниски спикер и бара брзи локални избори налето заедно со нови предвремени парламентарни избори.

СДСМ пак, смета дека мора да биде доделен мандатот за нова влада на Заев што е уставна обврска на претседателот Иванов, за потоа да се распишат и локалните избори, како и да се постигне законски компромис до нивно одржување.