Саудиска Арабија планира за прв пат во својата историја да издаде државни обврзници во вредност од 17.5 милијарди долари кои ќе бидат наменети за интернационални инвеститори, а траншите ќе бидат многу вредни со тоа што ќе понудат највисока стапка на камата од 1.7% повисока од Американскиот трезор. 

Со овие средства кралството Саудиска Арабија планира да ги намали последиците од падот на цената на нафтата како и да го покрие огромниот буџетски дефицит кој е оптоварен со големи градежни проекти во Голфскиот залив, но и низ Европа, особено во Босна и Херцеговина.

Покрај издавањето на интернационална државна обврзница Саудиска Арабија планира да ги намали субвенциите, да ги зголеми даноците и да воведе построга фискална политика, но без главните инвестициски проекти да претрпат измени.