Панчо Минов денеска беше исвиркан од лозарите кои бараат од Владата гаранција дека ќе им бидат исплатени парите од откуп на грозјето од винариите Повардарие и СТефани откако сакаше да одржи говор пред нив на плоштадот во Кавадарци.

Поранешниот градоначалник на Кавадарци беше 81-иот пратеник во македонското СОбрание кој го надополни двотретинското мнозинство во игласувањето на уставните измени во согласност со Преспанскиот договор. Претходно не гласаше за отворањето на уставните амандмани, но 80-мина пратеници го сторија тоа и без него.

Пред неговиот настап на лозарите им се обрати актуелниот градоначалник Митко Јанчев кој им порача дека се слушнал со министерот за земјоделство, шумарство и водостопанство Љупчо Николовски од кого добил уверување дека ќе биде обезбедена гаранција за враќање на парите од откупот.

Лозарите стравуваат дека од стечајот на Повардарие и Стефани нема да им бидат отплатени 1,5 милиони евра колку што се нивните побарувања за грозјето.