Собранието на 22 декември ќе расправа за референдумот кој го барал Љупчо Палевски, осомничен за двојното убиство на Вања и Панче, кој е уапсен во Турција и доби 40 дена екстрадициски притвор. 

Тој до Собранието доставил предлог за референдум. Информациите се дека точката е ставена на дневен ред на седницата закажана за 22 декември годинава, а со истата се предлага задолжителен референдум на државно ниво за целата територија со референдумско прашање: „Дали сте за Договорот меѓу Република Македонија и Република Бугарија склучен на 1 август 2017“.

Предлогот на овластениот предлагач Палевски, како претседател на Десна, е за собирање 150.000 потписи за референдум. 

Врз основа на дописот добиен од Канцеларијата на главниот јавен обвинител Баликесир, определен е екстрадициски притвор за Љупчо Палевски, во траење од 40 дена, соопштија од Министерството за правда. 

Инаку, партијата на Палевски застапуваше проруски ставови.