Паѓаат бројките на заразени со ковид, растат оние за вакцинација
Здравствените власти вчера известија дека уште 18 лица починале од коронавирус и дека се регистрирани седум нови случаи на заразени.
Новиот број на заразени со ковид е потврден со 1.418 тест во претходните 24 часа и 0,49 проценти од испитаниците биле позитивни.
Меѓу 18-те починати, за девет лица е пријавено дека починале како резултат на ковид во април дома.
Досега, 5.329 лица починаа од коронавирус во Македонија, дијагностицирани се 155.067, а 2.798 се активни случаи.
Институтот за јавно здравје регистрираше дека се опоравиле уште 71 пациент, така што вкупниот број на излекувани пациенти се искачи на 146.940.
Од друга страна, додека бројките за заразени со ковид опаѓаат, растат бројките за вакцинација.Се бележи зголемување на интересот за вакцинирање.
Вчера во земјава дојде и нова пратка на вакцини од производителот Фајзер.
Слично
Поврзани вести
