„ПАДНАА“ ВО РАЦЕ НА ПОЛИЦИЈАТА: Се обиделе да прошверцуваат 142 мигранти
Полицијата спречи обид за шверц на 142 мигранти.
Две лица од Гевгелија, на возраст од 40 и 27 години добија кривични пријави за шверцување мигранти, затоа што се обиделе нелегално да пренесат 142 мигранти.
На 10 јули рано утрото полицајците забележале камион „ман“ со бугарски регистарски ознаки и приклучно возило како се движи со голема брзина на автопатот Гевгелија – Скопје. Возилото поминало во близина на граничниот премин со Грција.
Полицајците се упатиле кон камионот за да го запрат, а кај стариот пат од село Милетково кон село Габрово возачот го сопрел товарното возило и избегал.
При преглед на камионот се пронајдени мигрантите.
Слично
Поврзани вести
