Министерството за здравство информира дека во ковид центрите во Скопје за 24 часа се хоспитализирани само 4 пациенти, а вкупно се лекуваaт 65 болни сомнителни и потврдени за Ковид 19

-Во последното деноноќие, на Институтот за ТБЦ имало еден прием. Во ковид центарот во ГОБ 8 Септември немало  примени пациенти, 4 биле примени на Клиниката за инфективни болести и фебрилни состојби во текот на вчерашниот ден. Во  ковид центарот на Институтот за ТБЦ се лекуваат 8 пациенти. Во ГОБ 8 Септември има вкупно 22 болни, а на Клиниката за инфективни болести и фебрилни состојби лежат 35 пациенти, соопшти МЗ.

Бројот на приеми во изминативе денови, како што велат од министерството, се намалува  и утрово до 8 часот имало 80 слободни места, а се очекува во тек на денот по направените исписи на оздравените пациенти да се ослободат и дополнителни места.