Претседателството на Демократската унија за интеграција вечерва одлучи да го предложи Хазби Лика за вицепремиер за политички систем и односи меѓу заедниците, пренесе АлсатМ.

Лика од 2009 година не беше толку активен во партијата и во политичкиот живот. Претходно тој ја извршуваше функцијата градоначалник на Тетово. Во 2003 година беше заменик-министер за внатрешни работи, период кој е познат за вработување во полицијата со партиски книшки.

Портпаролот на партијата, Бујар Османи, е предложен за заменик-премиер за евро-интеграција. Во Министерството за економија ќе дојде Крешник Бектеши, кој функционираше како економски промотор во Брисел.

Во Министерството за правда ќе дојде Булент Салиху, член на  претседателството на ДУИ.

Заменик-претседателот на ДУИ и градоначалник на Липково, Садула Дураку ќе го води Министерството за животна средина.