„ОВА ЛЕТО ГРАНКАТА НЕМА ДА МИ БИДЕ ПОТРЕБНА“: Ангелов за новите возила за гаснење пожари
Денеска беше презентирана првата републичка пожарна составена од 50 возила за гаснење на шумски пожари со која треба да управува Дирекција за заштита и спасување.
Иако станува збор за армиски иполициски возила кои долг период не се користеле, тие се прнаменти и ставени на располагање на Владата и ДЗС, а според надлежните имаат одлични карактеристики и капацитети за справување со пожарите и на тешко достапни терени во земјава.
Оваа информација со јавноста ја сподели и првиот човек на ДЗС, Стојанче Ангелов, кој во шеговит стил потсети на неговите заложби во справување со пожарите изминатата година кога беше директор на Центарот за управување со кризи.
- ОВА ЛЕТО ГРАНКАТА НЕМА ДА МИ БИДЕ ПОТРЕБНА
Благодарение на премиерот Христијан Мицкоски, Владата, министерот за внатрешни работи Панче Тошковски и градоначалникот на Кавадарци Митко Јанчев, ова лето гранката нема да ми биде потребна. Владата на располагање има противпожарни ресурси како никогаш претходно, распоредени во различни министерства или други институции.
Дирекцијата за заштита и спасување во својата структура доби 18 прилагодени моќни теренски возила Пинцгауер (дополнително очекуваме уште 5) со резервоари од 1500 литри, 15 прилагодени оклопни транспортни возила БТР 80 со резервоари од 6 тона и 5 оклопни транспортни возила Хермелин со влечни цистерни од 2, 4, 6 или 8 тона. Сите 43 специјални возила се опремени или се опремуваат со моќни водни пумпи со домет на водниот млаз од 25 до 100 метри.
Денес на воениот полигон Пепелиште, во присуство на претседателот на Владата Христијан Мицкоски, потпретседателот на Владата Љупчо Димовски, министерот за внатрешни работи Панче Тошковски, министерот за одбрана Владо Мисајловски, градоначалникот на Кавадарци Митко Јанчев и други, се одржа промоција на овие специјални возила со презентација на нивната противпожарна моќ - напиша Ангелов во објавата на Фејсбук.
Слично
Поврзани вести
