Единаесет вработени во МВР добиле отказ поради „крвавиот четврток“, односно за денот кога се случи насилството во Собранието на 27 април, кога беа повредени неколкумина пратеници и новинари. 

Откази се поделени поради непрофесионалното однесување за време на нередите во Собранието. 

Според МВР, завршена е дисциплинската постапка за 11 полицајци, по што им се врачени отказни решенија. Во тек се и други постапки за собраниското насилство,  за што дополнително треба да бидат донесени дисциплински мерки.

Во меѓувреме е покренато обвинение за обид за убиство на пратеникот Зијадин Села, а на четири години затвор е осуден напаѓачот на пратеничката Радмила Шекеринска.

Засега најмалку 10 лица се обвинети за обид за убиство на Села.