„ОТКАКО НЕ ПОСРАМИЈА НА МЕЃУНАРОДНА СЦЕНА, СЕГА САКААТ ГРАД СКОПЈЕ ДА ИМ Е ВИНОВЕН ЗА НИВНАТА НЕСПОСОБНОСТ“: Арсовска вели Градот не добил ниту покана за отварањето
Се поголем интерес во јавноста предизвикува организацијата на Европската младинска олимпијада.
Се огласи и градоначалничката на Скопје, Данела Арсовска, која вели дека градот помогнал Скопје и Македонија да бидат домаќини на ЕМО, но биле целосно исклучени.
„Град Скопје помогна Македонија и Скопје да бидат домаќини на Европската младинска олимпијада 2025.
Претседателот на Македонски олимписки комитет Даниел Димески веднаш потоа ОДЛУЧИ ДА ЈА ОРГАНИЗИРА СО МИНИСТЕРСТВОТО ЗА СПОРТ и настанот спротивно на стандадите скандалозно половина го однесе во Куманово.
Цела година МОК и Министерството за спорт ја организираат олимпијадата, Град Скопје беше целосно ИСКЛУЧЕН, НЕ ДОБИ НИТУ ПОКАНА ЗА ОТВАРАЊЕТО.
Откако не посрамија на меѓународна сцена, сега сакаат град Скопје да им е виновен за нивната неспособност.
Срамот е ваш, носете си го сами и сликајте се“, напиша таа.
Слично
Поврзани вести
