Американски државјанин на возраст од 42 години со тупаници нападнал тројца полицајци во станицата во Кисела Вода. 

Инцидентот се случил утринава кога странскиот државјанин е приведен во Полициската станица во Кисела Вода за претходно сторен прекршок против јавниот ред и мир. 

Основното јавно обвинителство Скопје поведе постапка против 42-годишен државјанин на САД, кој, откако е приведен во полициска станица, нападнал тројца полицајци и ин нанел телесни повреди. 

Против него ќе биде поднесена пријава за кривично дело – напад врз службено лице при вршење работи на безбедноста од член 383 став 2 во врска со став 1 од Кривичниот законик. За него се бара притвор.