„ОТКАКО ДУИ СЕ ВО ОПОЗИЦИЈА, НИЕ КОНТИНУИРАНО СЛУШАМЕ ИЗЈАВИ ДЕКА Е МОЖНО ДА ИМА НЕКАКВИ НЕМИРИ“: Лукаревска за политиките на ДУИ
Пратеничката на СДСМ, Сања Лукаревска, во гостувањето во Само вистина, истакна дека ДУИ постојано се закануваат со излегување на улици и со немири.
„Откако ДУИ се во опозиција, ние континуирано слушаме - или имаме шатори пред Уставен суд, или имаме одредени изјави дека можно е да има некакви немири, тоа го слушавме есента, лани, сега најново е дека имаме најава за некакви протести, дури се оди до оној степен дека ќе се приклучат на протестите кои што ги организираат родителите на загинатите деца од Кочани. Ако е така, кога дојдоа родителите на загинатите деца во Кочани, пред Собранието, тие ги повикаа пратениците, поготово пратениците од опозицијата да дојдат да се приклучат кон нив.Они имаат пратеничка група, зошто не излегоа тогаш да го слушнат гласот, гневот, бесот, целата неправда која што им е направена на тие луѓе и да сочуствуваат со нивната мака?, рече таа.
Слично
Поврзани вести
