Активистот за човекови права во Грција, Stilianos Samartzis (Стилијан Самарџиев), на негофиот профил на Фејзбук објави видео заедно со православниот свештеник, отец Никодим Царкњас кој појасни како е нападнат и од кого.

Вели дека и во 21 век се случуваат вакви инциденти и дека ништо не е тргнато напред, особено нема почитување на човековите права.

-Господ Бог ме спаси. Се заклучив во автомобилот и само задното стакло ми го икршија. Сакаа и мене да ме нападнат, но не успејаа. Здрав и жив сум, вели отец Царкњас во видеото снимено во Св. Злата Мегленска.

Истовремено, овој инцидент го осуди и активистот Самарџиев.

-За кои вредности ми говопри Грција, за кои човекови права, срамота е да се напаѓа 80 годишен човек.

Вчера се огласи и професорката Ана Павловска Данева со остра реакција кон властите, кои според неа за овој инцидент ниту збор не кажаа, додека за случајот со Пендиков, се патувашѓе дури и до Бугарија за да го посетат во болница.