Премиерот Виктор Орбан, кој со владина делегација е во дводневна официјална посета во Охрид, на денешната заедничка прес-конференција со македонскиот колега Христијан Мицкоски ја уверуваше јавноста дека заемот од половина милијарда евра што ќе и го даде Унгарија на Македонија не се кинески пари.,

Како што рече Орбан, Унгарија нема дозвола од Кина да дава кинески пари на трети земји. Кажа дека Унгарија ќе и даде европски, а не кинески пари на Македонија како што се шпекулираше.

„Кинески пари не можеме да ви дадеме, европски пари можеме и тие ќе ви ги даваме. Ние имаме договор со Кина тие пари да бидат користени за проекти во Унгарија, и затоа ние не можеме да дадеме кинески пари“, рече Орбан.