Цел свет дозна за Никола Груевски кој доби засолниште во Унгарија а пријателот кој му го даде азилот сега е на удар на критики.

По упатените барања за екстрадиција на поранешниот премиер Никола Груевски кој моментално е во бегство и се наоѓа во Унгарија, европските пратеници го притискаат човекот кој му ги отвори вратите и за помалку од една недела му даде политички азил.

Европскиот парламент ги усвои амандманите меѓу кој е и тој со кој се бара испорачување на бегалецот во земјава.

Сега Виктор Орбан е под притисок на меѓународната заедница која дава поддршка на Македонија и според која Груевски имал фер судење за случајот во кој доби две години затворска казна.

-Тоа што Унгарија го прави е мешање во судските работи ан една држава која се труди да се подобри и да стане членка на ЕУ. И тоа не е конструктивно-изјавила Џудит Саргентини која го поднела амандманот во ЕП.

ЕП стави до знаење дека Никола Груевски имал „транспарентен судски процес“ потврден од повеќе судски инстанци и потсетува дека тој е вклучен во дополнителни пет кривични истраги.

Одлуката ја има унгарскиот премиер кој е убеден дека против Груевски се води политички прогон а екс лидерот на ВМРО ДПМНЕ му е сојузник .