ОПШТИНИТЕ САМИ ЧИСТАТ, ЦЕНТАРЦИ ДУРИ ГИ МИЈАТ И УЛИЦИТЕ - Но не кажуваат каде се носи ѓубрето
Скопските градоначалници се мобилизираа по крахот во системот на собирње на сметот во главниот град.
Утрово со објава на Фејсбук се јави и градоначалникот на општина Центар, Горан Герасимовски, кој со пост се заблагодари на вработените во комуналанта служба на општината и посочи дека ѓубрето е собрано, о и дека се мијат улиците по собирањето на сметот.
- Рано наутро започнавме со чистење на цел Центар. Вклучени се сите вработени од комуналната служба во ЈП „ПОЦ“ со целата механизација како и голем камион за кревање на контејнери. Покрај собирањето на ѓубре на терен е и цистерната која ги мие контејнерите и просторот околу нив каде има натрупано вреќи со отпад кои предизвикуваат непријатна миризба.
Им се заблагодарувам на сите вработени од комуналната служба кои со зголемени капацитети се вклучија во акцијата со цел побрзо чистење на општината.
Фактор претходно објави дека уште од синоќа во сопствена огранизација сметот го собираа општините Кисела Вода и Аеродром, чии градоначалници беа излезени на терен. Но, беа спречени да го истоварар ѓубрето на депонијата.Состојбата со отпадот во која се најдоа сите општините не смее да се повтори! - напиша Герасимовски.
Сепак, тој не откри каде ќе се носи сметот од општината, дали веќе се прифаќа во Дрисла, ниту како е договорено да се одвива во следните денови собирањето на семтот.
Фото: Принтскрин/Фејсбук
Слично
Поврзани вести
