МРСА е бактерија која може да се пренесе преку физички контакт преку кожата или пак преку кивање или близок контакт со преносителот..

Токму од оваа бактерија се регистрирани четири ниви случаи и сите се деца. Три од заразените дечиња се од градинка во Чаир а позитивен наод бил откриен во школо во скопски Бутел.

Според Директорката на ДСЗИ д-р Ирина Сотирова-Бухова оваа бактерија не е смртоносна но е опасна а како што изјавила за СДК.мк  веднаш се преземени санитарени мерки и е направена механичка дезинфекција на просториите во кои престојувале децата.

Децата во градинка ќе се вратат кога ќе донесат резултат дека се негативни на бактеријата.

Што претставува MRSA бактеријата и дали е опасна-Општи информации

MRSA или Метицилин резистентен стафилокок е бактерија Staphilococcus aureus која развила специфична отпорност на почеток на дејството на пеницилинот, а потоа и на делувањето на антибиотикот метицилин и слични антистафилококни лекови кои припаѓаат на групата бета-лактамази.

Оваа бактерија често се наоѓа на кожата и слузниците на човекот. Бактеријата кај здравите лица не предизвикува никакви симптоми и тие се само преносители на бактеријата. Бактеријата може да се пренесе преку физички контакт, преку кожата или пак преку кивање или близок контакт со преносителот.

Иако бактеријата кај здравите луѓе со јак имунитет не предизвикува болест, таа може да предизвика сериозни инфекции кај лицата со намален имунитет и со оштетена кожа или слузници. Доколку продре под кожата или во телото, може да предизвика сериозни заболувања како: гнојни инфекции на кожата, воспаление на дишните патишта, пневмонија. Од MRSA формата на стафилокок најчесто заболуваат лицата со ослабен имунитет, а такви лица најмогу ги има во болниците. Поради тоа, долго време се сметало дека MRSA е исклучиво болничка инфекција. Но, од оваа инфекција можат да заболат и лица кои не биле хоспитализирани.

За да се заштитиме од инфекцијата со оваа форма на стафилококна бактерија, секако треба да водиме сметка за правилната и редовна лична хигиена. Редовното миење на рацете е најважна работа. Обавезно убаво треба да се измијат рацете со сапун и млаз вода пред секое земање на храна или после посета на болен. Треба да се избегнува контакт со болни, како и да се избегнува користење на заеднички предмети за лична хигиена (пешкири и сл.).