Иако бројот на новозаразени случаи од коронавирус во државата , деновиве бележи пад, она што останува најболна точка е смртноста од ковид19. 

Северна Македонија вчера регистрираше 890 нови случаи на инфекција со коронавирус, а како резултат на тоа починаа 35 лица.

Во претходните 24 часа биле направени 3.284 тестови и 27,1 процент од испитаните биле позитивни, соопшти Министерството за здравство.

Досега 4.357 лица починаа од коронавирус во Северна Македонија, дијагностицирани се 145.001, а има активни 19.937 случаи.

Институтот за јавно здравје регистрираше дека се опоравиле уште 1.024 пациенти, така што вкупниот број на излекувани пациенти се искачи на 120.707.