Обединетата Македонска Дијаспора (ОМД) бара Бугарија да ги внесе Македонците во Уставот. 

На ОМД не ѝ пречи да се промени македонскиот Устав, но, под важен услов истото да се случи со воспоставување на реципроцитет и да се промени Уставот на Бугарија, со внесување на македонското малцинство. Ова го изјави денеска на прес конференција Александар Митрески, еден од основачите на ОМД пред почетокот на првиот македонски симпозиум и практики на  ОМД во Скопје. 

Методија Колоски, претседател на ОМД рече дека нивна цел и мисија е обединување на македонската дијаспора.

„Целта е што повеќе да се прошири мрежата на ОМД низ цела Македонија, оти сепак македонската дијаспора е клучниот партнер со татковината, 18 до 20 проценти од БДП доаѓа од дијаспората така  што сакаме што повеќе тоа да се зголемува и македонската дијаспора да стане уште поголем инвеститор, не само во давање средства на роднини и пријатели, туку и инвестирање во локалното општество“, рече Колоски.

Инаку, Македонија треба да направи уставни измени. Текстот за уставните измени помина на седница на Влада, а на 18 август за истото ќе се дискутира во Собранието. 

Според текстот, освен Бугарите, во Уставот треба да бидат внесени хрватскиот народ, црногорскиот народ, словенечкиот народ, еврејскиот народ и еѓипќанскиот народ. 

Но, бугарскиот претседател Румен Радев вели дека уставните измени не се крајот на барањата, туку има и други услови. 

фото принтскрин