Основното јавно обвинителство не ја блокирало сметката на Диамед Македонија, туку на Вера Иванова, потврди управителката за Нова ТВ. Претхоно, ОЈО соопшти дека е блокирана сметка преку која поминале 11 милиони евра во Монако по отстапување на дијализниот центар на друг сопственик, а дури се сметаше дека „замрзнат“ е и Ристо Новачевски, кумот на поранешниот премиер Никола груевски од првиот брак.

Иванова за НОВА потврди дека и се блокирани двете сметки- нејзината приватна во Тутунска банка и втората-странска, која се води на правно лице во Монако.  Иванова тврди дека досега од ниту една институција не е известена зошто и се блокирани сметките, туку тоа го открила кога отишла да го плати данокот.

„Диамед Македонија”  на почетокот на месецот и ја отстапи концесијата на шведската фирма „Дијаверум“.