ОХРИЃАНЕЦ УАПАСЕН ЗА ДЕВЕТ ИЗМАМИ СО ЛАЖНИ СООБРАЌАЈНИ НЕЗГОДИ - успеал да собере скоро 60 илјади евра
Триесетиосум годишен охриѓанец е уапсен и добил мерка притвор откако признал дека е виновен за измама во дури девет дела поврзани со лажните сообраќајни незгоди.
Министерството за внатрешни работи објави дека се расчистени девет сторени кривични дела „Измама за лажни сообраќајни незгоди“, при што охриѓанец заврши во притвор, а вкупната штета врз неговите жртви достигнала 3.600.000 денари или скоро 60 илјади евра.
- На ден 04.02.2026 од страна на полициски службеници од Одделението за криминалистичка полиција при СВР Штип, во координација со Одделот за криминалистичка полиција преземени се оперативно тактички мерки за расчистување на претходно сторени кривични дела Измама во врска со лажни сообраќајни незгоди, при што лишен од слобода е П.С.(38) од Охрид.
По извршен службен разговор П.С. појаснил за начинот, местото и времето на извршување на девет кривични дела од кои шест во Штип и три во Виница при што пријавителите се оштетени за околу 3.600.000 денари.
До ОЈО Штип поднесена е кривична пријава по итна постапка, а по предлог на ОЈО Штип П.С. е спроведен пред Судија на претходна постапка при што му е одредена мерка притвор - се посочува во нивната објава.
Слично
Поврзани вести
