По она пред два дена во Карпош, ограбени се уште две филијали на финансиски друштва за брзи кредити на подрачјето на Скопје, овој пат во Центар и Гази Баба.

Како што известува МВР, кражбите се случиле во раните утрински часови, а при тоа од едното бил одземен сеф со пари, а во другото финансиско друштво сефот бил отворен и биле одземени парите.

„На 17.01.2026 во 05:20 часот во СВР Скопје пријавено е дека на подрачјето на Центар, во објект на финансиско друштво насилно било влезено и одземен бил сеф со пари. Се преземаат мерки за расчистување на случајот. 

На 17.01.2026 во 04:44 часот во СВР Скопје пријавено е дека на подрачјето на Гази Баба, во објект на финансиско друштво насилно било влезено и одземени биле пари од сеф. Се преземаат мерки за расчистување на случајот.“, брифира МВР.