Во текот на изминатото деноноќие во Македонија имало пожари на отворено на вкупно 24 локации. Притоа, од нив пет пожари се уште се активни, а како што наведуваат од Центарот за управување со кризи, три од споменатите пожари се под контрола. Во последното деноноќие биле изгаснати дури 16 пожари, согласно информациите добиени од регионалните центри за управување со кризи.

Активните пожари на отворен простор има во: Општина Лозово, кај село Бикирлија, месност „Убого“, потоа Општина Градско и кај Јаношево, Општина Неготино, каде гори ниска вегетација, општина Македонски Брод , кај селат Тажево и Брезница, крак од пожарот кон ЈП „Јасен“ во правец кон месноста „Раставувачи за струја“ каде е зафатена борова шума, како и кај Општина Кочани, кај село Главовица каде гори мешана шума. 

Со огнени пламени се борат и во Општина Долнени, кај селата Долгаец и Маргари каде е зафатена висока трева и мешана деградирана шума, како и во Општина Демир Хисар, на Илинска Планина помеѓу селата Слоештица, Брежани и Плаќе каде интервенираатле 4 пожарникари од ТППЕ, 16 од ЈП „Национални шуми и 5 луѓе од месното население, а гаснеле запалена ниска вегетација.

Трите пожари под контрола се во: Општина Старо Нагоричане, кај с.Ругинце каде горела ниска и мешана шума и во Општина Штип, кај с.Цршка каде горела ниска вегетација и во Општина Македонски Брод, кај с.Латово и с.Русјанци каде била зафатена мешана шума.

Изгаснатите 16 пожари на отворено биле во: Општина Охрид, депонија Мауцкер (гореше ѓубриште); Општина Кратово, кај с.Татомир (каде што гореше мешана шума); Општина Босилово, меѓу с.Босилово и с.Турново (мешана шума); Општина Делчево, кај с.Очипала (ниска вегетација); Општина Гостивар, кај с.Чајле (ниска вегетација); Општина Старо Нагоричане, кај с.Степанце (ниска вегетација и грмушки); Општина Сарај, кај с.Семеиште, с.Чајлане и с.Арнакија (мешана шума); Општина Петровец, кај с.Бадар (ниска вегетација); Општина Желино:с.Лешница (ниска вегетација); Општина Берово, кај с.Будинарци (борова шума); Општина Струмица: с.Куклиш (депонија); Општина Гостивар, кај с.Чајле (ниска вегетација); Општина Крушево, имаше два (2) пожара, кај с.Саждево и кај с.Нерово (ниска вегетација) и во Општина Сарај, кај с.Дворце (ниска вегетација) - наведува ЦУК.

Од Центарот информираат дека во последното деноноќие имало вкупно 2.376 повици на Единствениот повикувачки број за итни случаи 112. Од нив „реални“ биле 62,33 отсто, а 37,67 проценти биле за други потреби на граѓаните што не биле итни. Кон полиција биле упатени 64,33 проценти, кон Итната медицинска помош 20,81 отсто, кон пожарникарите 11,46 проценти, а кон АМСМ 0,21 отсто од реалните повици на 112.

Според ЦУК, имало и 910 повици за итни случаи на 112 што се вкупен збир од тие што биле за комбинирано решавање од „реалните“ повици (3,18) и на тие што се именувани како „неитни повици“ (37,67 отсто).

- Сите тие повици за итни случаи биле предмет на примање, на обработка и директно координирање за нивно решавање со институции и служби во Системот за управување со кризи (СУК), наведува ЦУК.

Фото: ЦУК