Советот на Собранието на Македонија за мандатско-имунитетски прашања денес ќе расправа за одземање на пратеничкиот имунитет на екс премиерот Никола Груевски.

Тој реши да избега во Унгарија за да не издржува затворска казна врз основа на пресудата во кривичната постапка за случајот со купувањето на луксузниот мерцедес.

Седницата на Советот е свикана врз основа на пет барања на кривичниот суд во Скопје, во кои се бара одобрување на притворот за Груевски, против кој во отсуство се водат и други судски постапки.

Ако предлогот за одземање на мандатот на Груевски помине на седница на Советот, ќе биде доставен до раководството на Собранието да го стави на дневен ред наредната седница, на која за одземање на имунитет би биле потребни 61 глас од вкупно 120 пратеници.