Одложено судењето за пожарот во модуларната болница во Тетово
Почетокот на судењето за пожарот во модуларната болница во Тетово, во која изгореа 11 ковид-пациенти, е одложено поради отсуство на дел од обвинетите.
Рочиштето во кое се обвинети тогашните директори Ф.Б и А.Е за кривично дело тешки дела против општата сигурност и докторот Б. В за кривично дело непостапување според здравствени прописи за време на епидемија се презакажа за 14 октомври во 10 часот.
Обвинето е и правното лице ЈЗУ Клиничка Болница Тетово за кривични дела предизвикување на општа опасност и непостапување според здравствени прописи за време на епидемија.
Обвинилтеството десет месеци водеше истрага во која стручни анализи и вештачења беа направени од МВР, Технолошкиот факултет, електроинжинер и експерти и истражители од сојузната криминалистичка полиција на Германија.
Слично
Поврзани вести
