Одбраната на Јанева ги проверува прислушкуваните докази
Одбраната на поранешната специјална обвинителка Катица Јанева трет ден врши увид на доказите во Обвинителството за гонење организиран криминал за случајот „Рекет“.
Според најавите, адвокатите Ирена Фрчковска и Дељо Кадиев се очекува да ги видат и оние кои обвинителството ги собрало со ПИ-мерки од следењето на Јанева.
Обвинителството за гонење организиран криминал и корупција претходно издаде наредба за следење на Јанева со посебни истражни мерки две недели пред да биде уапсена.
Обвинителството ги чекаѓе тие материјали да бидат декласифицирани и од оваа недела да бидат дадени на увид на одбраната и на Јанева. Во тој период кога Јанева била под ПИ-мерки ја даде својата условена оставка како шефица на СЈО, а осомничените Бојан Јовановски и Зоран Милевски веќе беа во притвор.
По отворањето на истрагата шефицата на обвинителството за организиран криминал Вилма Рускоска тврдеше дека Јанева не е под ПИМ, но одлуката била донесена потоа.
Слично
Поврзани вести
