Промена на времето се очекува од понеделник. 

Метеоролозите најавуваат дека од понеделник следува период на нестабилно време со пороен дожд и грмежи, а локално се можни и поинтензивни процеси. Ќе дува засилен северозападен ветер, па дневната температура од вторник значително ќе се намали.

Времето утре ќе биде претежно сончево и уште потопло. Ќе дува умерен, а во западните делови засилен ветер од западен правец. Утринските температури ќе се движат од 12 до 21, а дневните максимални од 31 до 39 степени. Вредноста на УВ-индексот ќе биде многу висока и ќе изнесува 9.

Во Скопје времето ќе биде сончево со умерен западен и северозападен ветер. Температурата ќе се движи од 18 до 38 степени.