На годишнината од изборот од Владата, Зоран Заев пред пратениците во Собранието на РМ ќе ја брани реконструкцијата в петок, за кога е закажана седницата за избор на новите членови.

Иако најавувана како темелна, реконструкцијата на владиниот кабинет на Зоран Заев се сведе на ротација на министерствата за правда и образование меѓу СДСМ и ДУИ, како и влез на скопското крило на БЕСА во култура и ДПА во бесресорното Министерство за привлекување на странски инвестиции.

Нови министри се Асаф Адеми за култура, Бардуљ Даути министер без ресор, Рената Дескоска за правда и Арбр Адеми за образование.

Новини има и во заменичките министерски места, согласно проширувањето на мнозинството.