Од петок се очекува благ пораст на температурите. 

Во текот на денот ќе имаме претежно облачно време кое ќе биде проследено со засилен северозападен и североисточен ветер кој ќе достигне брзина и до 40 км/ч и студено време. Во југозападните, јужните и југоисточните предели со услови за провејување на слаб снег и слаби врнежи од дожд, додека пак во останатите предели попладне и со услови за повремени сончеви периоди. Утринските температури ќе бидат од -8 до 1 степен, додека пак максималните дневни ќе достигнат до -3 односно до 5 степени. 

Утре времето ќе биде умерено облачно време со повремени сончеви периоди и студено време, а во југозападните, јужните и југоисточните предели со услови за провејување на слаб снег и слаби врнежи од дожд. Утринските темепратури ќе бидат од -13 до -3 степени, додека пак максималните дневни ќе бидат од -4 до 4 степени. Во петок и сабота ќе имаме студено утро со утрински температури од -16 до -5 степени, во текот на денот ќе биде претежно сончево со локална облачност и студено време со температури кои ќе достигнат од -5 до 3 степени во петок, односно од -3 до 6 степени во сабота. Во недела ќе биде умерено облачно време со повремени сончеви периоди и малку потопло време. Утринските температури ќе бидат во интервал од -11 до -2 степени, додека пак максималните од -1 до 7 степени.