Од партијата Левица велат дека се згрозени од несериозното однесување на народните избраници во Парламентот. 

Левица бара од пратениците да се вразумат и конечно да почнат да работат во интерес на огромното мнозинство осиромашени и обесправени граѓани. 

Од партијата велат дека според нив  ниту неодамна објавениот „патоказ“ на ВМРО- ДПМНЕ ќе помогне за да се надмине ќорсокакот во кој се наоѓа нашето општество, а ниту пак предлогот на ДУИ и СДСМ за собраниски спикер, Талат Џафери, е во насока да добиеме функционален Парламент.

„Пратеници, имајте на ум дека довербата што ви ја дадоа граѓаните на изминатите избори не е трајна! Досега, со ништо не ја оправдавте. Ниту имавте доблест да ги донирате трите дебели незаработените плати, а ниту пак откако седнавте во собраниските фотелји нешто сработивте во интерес на народот“- стои во соопштението од Левица.

Од партијата соопштија дека според нив граѓаните очекуваат час поскоро да почувствуваат подобрување на нивната економска состојба, а наместо тоа пратениците им приредуваат политички магли и замајувања.