Уште четворица вработени во штипската конфекциска фабрика Ти Стајл се позитивни на корона вирусот, а се чекаат резултати на уште неколкумина работници, потврди за Фактор, градоначалникот Благој Бочварски. Еден од тестираните е негативен на Ковид-19, вели тој, нагласувајќи дека градот ги презема сите мерки за безбедност и заштита од инфекцијата. Бочварски се надева дека и по укинувањето на полицискиот час, граѓаните ќе останат дисциплинирани и совесни.

-Во моментов имаме 75 луѓе во самоизолација. Бројот не е за занемарување, но на почетокот на епидемијата таа бројка изнесуваше дури 250. Јас сум навистина презадоволен што граѓаните на Штип, првиот удар на пандемијата го дочекаа многу дисциплинирано. Апелирам и се надевам дека и сега нивното однесување ќе биде на ниво на задачата, бидејќи, како што и до сега многупати каѓувавме, тоа е и за нивна безбедност и за безбедност на најблиските. По појавата на заразени во конфекциската фабрика, ние реагиравме навистина брзо. Веќе поделивме 500 заштитни маски на вработени во штипските конфекции, а истовремено, градот започна со дезинфекција на влезовите на фабриките, изјави за Фактор Бочварски.

Тој вели дека Градот Штип се понудил доколку е потребна помош, да направи и дезинфекција на превозните возила со кои патуваат работничките до фабриките, но како што вли, станува збор за големи превозници-компании кои тоа сами го прават. 

А.Б.