Има пораст на бројот на туристи во април.

Најбројни биле гостите од Турција.  Во април годинава, во Македонија дошле 69.934 туристи, од кои 25.8 отсто се домашни, а 74.2 отсто се странски, објави Државниот завод за статистика (ДЗС). Бројот на ноќевањата изнесува 130.702, од кои 28.4 отсто се од домашните туристи, а 71.6  отсто од странските.  Од странските туристи најбројни биле Турците, по кои следуваат Србите и Грците. Голем број туристи имало и од Косово, Албанија, Германија, Италија, Полска, Романија, Хрватска, САД. Доколку се спореди периодот јануари – април оваа година, со истиот период лани се бележи раст од 24,3 насто кај бројот на туристите. Кај странците има зголемување за 46,1 процент, додека кај домашните туристи е забележано намалување за 3,6 отсто.

foto freepik.com/jurij_b