Демократската унија за интеграција  на Али Ахмети ги демантира информациите кои се појавија вчера во медиумите дека неговата партија постигнала принципиелна согласност со ВМРО-ДПМНЕ за составување на нова влада. 

„Ниту една неофицијална  излезена информација која беше распространета по медумите не е точна. Нашиот лидер Али Ахмети изјави дека договорот ќе биде транспарентен и општеството ќе биде информирано за него”- велат од ДУИ.

Од ДУИ велат дека нивната цел е да се стави крај на политичката криза во земјата преку формирање на новата влада. 

ВМРО-ДПМНЕ и ДУИ начелно ги усогласиле ставовите околу двојазичноста, објави вчера „Телма“, повикувајќи се на извори од преговарачките тимови. 

Телевизијата наведе дека двете партии решиле Уставот да не се менува, а прашањето да се уреди преку измени на Законот за употреба на јазиците.

Според нив, во Собранието ќе се формирале работни групи кои ќе работат на сите отворени прашања.