Граѓаните кои користат јавен превоз, од денеска ќе можат да извадат електронска персонализирана картичка, наместо старите автобуски билети. Картичката чини 200 денари и на неа може да се стави кредит во зависност од потребата на граѓанинот. Картичките ќе важат за во автобусите на Јавното сообраќајно претпријатие (ЈСП), но и во приватните автобуси. Официјалната примена на електронските билети во градскиот превоз започнува од први наредниот месец, а од Нова Година оваа картичка ќе биде задолжителна за сите граѓани. Oвој систем за наплата во јавниот превоз го чинеше градот три милиони евра.