Од денес посебен сообраќаен режим на некои улици во Скопје поради Самитот на земјите од западен Балкан
Поради претстојниот Дигитален самит на земјите од западен Балкан што утре и задутре ќе се одржува во Скопје, во хотелот „Александар Палас“ и во ВИП Арена (сала „Борис Трајковски“), во текот на денешниот ден од 15 часот, како и наредните два дена, односно до 15:30 часот на 19 април, СВР Скопје ќе воспостави посебен сообраќаен режим за сообраќајниците околу овие објекти.
Имено, со посебниот режим ќе бидат затворени и пренасочени за сообраќај улиците Јадранска магистрала, Скупи, делови од булеварите Осми Септември, Илинден, како и другите сервисни улици коишто гравитираат кон двата објекта (ВИП Арената и хотелот „Александар Палас“).
Слично
Поврзани вести
