Петардите и другите пиротехнички средства се забранети, но често гледаме дека се продаваат по тезгите и улиците како и секоја друга сезона. Посебно предупредување се упатува до родителите да внимаваат на своите деца и да ги едуцираат за можните последиците од петардите кои може да нанесат сериозни повреди. 

Министерството за внатрешни работи апелира до граѓаните за време на празниците да не употребуваат петарди и други пиротехнички средства. Нема да се толерира и најстрого ќе се казнува препродавањето и употребата на пиротехничките средства.

Согласно Законот за прекршоци, против јавниот ред и мир на лице кои неовластено пука од огнено оружје, употребува пиротехнички средства или сличен експлозивен или лесно запалив материјал, или на сличен начин го нарушува мирот и безбедноста на граѓаните ќе му биде изречена глоба во износ од 200 до 500 евра во денарска противвредност.