Професорката Ана Павлова Данева смета дека новите настани кои се случуваат околу Обвинителството, откако по суспензијата на шефицата на ОЈО за организиран криминал, со неа ќе раководи обвинителката Лиле Стефанова, е несоодветен начин за спроведување на идејата „Нема правда, нема мир“.

„Формирано Специјално јавно обвинителство чија шефица е осудена за корупција, а обвинителството укинато.

Обвинителство за организиран криминал времено го раководи обвинителка од растуреното и укинато СЈО зашто нејзината нова шефица од организиран криминал е суспендирана заради грешки во постапка против висок владин функционер.

Малку несоодветен начин за спроведување на идејата “Нема правда, мема мир“, пишува Данева на својот фејсбук пофил.