Во август минатата година заменичката на второосомничената во случајот Рекет стави потпис на одлуката за одобрување времен пасош на бизнисменот Јордан Камчев, а денес Елизабета Јосифовска ќе сведочи како сведок на Обвинителството за организиран криминал.

Прво судење за оваа 2020 година е „Рекет“. Рочиштето денеска продолжува со сведочењето на поранешната заменичка на Катица, која во април беше повикана да даде исказ за судскиот процес во кој прв осомничен е шоуменот Бојан Јовановски.

Во отсуство на шефицата на СЈО Јосифовска ја заменуваше Катица и ги потпишуваше сите документи, а во тоа време Јанева била на одмор. При исказот , Јосифовска кажа дека мислењето за пасошот на Камчев била одлука на Јанева и како нејзина заменичка била должна да ја потпише. 

„Апсолутно на ништо не се посомневав“, тврди таа. 

Јосифовска кажа и дека во тој момент до неа не допреле никакви ни најмали индиции или сознанија дека во позадината на сето ова стои нешто криминално.

Во случајот им се суди на Јанева и Бојан Јовановски, а бизнисменот Зоран Милевски Кичеец призна вина и доби три години затвор.