Оваа работна недела ја започнуваме со облаци и врнежи од дожд кои на повеќе места во земјава се очекуваат да бидат пообилни со над 25 литри на метар квадратен, а локално да бидат и поројни проследени со грмежи, најавуваат синоптичарите.

Утринската температура во Македонија ќе се движи од 2 до 10 степени целзиусови, додека дневната температура на воздухот ќе достигне денес максимални 16 степени, велат од управата за хидрометеоролошки работи.

Слично време не очекува и во наредните денови од оваа априлска работна недела, нестабилно време со влажна воздушна маса која ќе предизвика пообилни врнежи од дожд, кои локално се очекува да бидат и поројни и проследени со грмежи.