Македонија утрово се разбуди со снег и ниски температури. 

Според Управата за хидрометеоролошки работи, во Маврово  во 8 часот е измерена висина на снежна покривка од два сантиметра. 

Најниска температура од нула степени имало во Маврово, Крушево и Лазарополе, 2 во Тополчани, 4 во Ѓуриште, Пожаране и Охрид, 5 степени во Дебар, Претор, Крива Паланка, Берово и Битола, 6 во Тетово и Прилеп, 7 степени во Куманово и Виница, 8 степени се измерени во Скопје, Дојран, Струмица и Штип, 9 во Демир Капија и 10 степени во Гевгелија.

До 8 часот најмногу наврнат воден талог во изминатите 24 часа е измерен во Охрид (30 литри на метар квадратен), 24 во Берово, 22 во Демир Капија, 20 во Маврово, 18 литри на квадрат во Виница, 15 во Крушево, Лазарополе и Претор, 14 во Пожаране и Прилеп, 13 во Струмица, 12 литри во Битола, Гевгелија и Тетово, 11 во Скопје, Тополчани и Крива Паланка, 8 во Штип и Ѓуриште, 7 литри воден талог во Дебар, 6 во Куманово и 5 во Дојран.

Времето денеска ќе биде претежно облачно и посвежо, со повремени врнежи од дожд, особено претпладне во западните делови. Ќе дува умерен, долж Повардарието повремено засилен северен ветер. Температурата ќе биде во интервал од 10 до 17 степени.

Во Скопје денеска ќе биде облачно, со повремени врнежи од дожд, особено претпладне. Ќе дува умерен до повремено засилен северен ветер. Температурата до 14 степени.

Како што најави УХМР, од утре ќе дува јужен ветер со краткотрајно покачување на температурите, а потоа во среда од ноќта кон четврток нов и значително постуден бран ќе донесе нови врнежи, силен ветер и повремен снег на планините, особено на север.