Народната банка ги објави официјалните податоци за девизните резерви.

Според јавно достапните податоци, на крајот на јуни, девизните резерви биле на ниво од 4.936 милиони евра, со што е регистриран пад од над 200 милиони евра.

- Најголем дел од девизните резерви се пласирани во хартии од вредност или 73,8 проценти, по што следуваат монетарното злато со 15,8 проценти и валутите и депозитите со 10,4 проценти - се посочува во објавата на веб страната на Народна Банка.

Графиката која ја објавува НБРСМ покажува дека последниот месец е забележан пад кај девизните резерви. 

Девизните резерви на крајот на јуни биле за 274 милиони евра пониски во споредба со претходниот месец. Нивото останува клучно за макроекономската стабилност и одржувањето на курсот на денарот. 

За споредба во мај резервите достигнаа вредност од 5.210 милиони евра, а тој месец беше забележан раст од три милиони во однос на април. 

Како  што може да се забележи и од самата графика, убедливо највисоки девизни резерви имаше на почетокот на годината, по што почнаа да се намалуваат.