Новиот руски амбасадор во Скопје, Сергеј Баздникин, веднаш откаки му ги предаде акредитивните писма на претседателот Ѓорѓе Иванов порача дека Македонија не треба да прави уставни измени и да носи политички исфорсирани одлуки.

Рускиот амбасадор оцени дека Република Македонија доживува клучен момент во својата историја и дека од одлуките кои ќе бидат донесени во наредните неколку недели ќе зависи иднината на Република Македонија.

 „Од голема важност е тие да бидат донесени строго во рамки на Уставот, а не да ја уриваат правната држава. Да претставуваат недвосмислен одраз на волјата на граѓаните на Република Македонија, а не да бидат наметнати однадвор. Да го обединуваат, а не разединуваат општеството. Да почиваат на фундаменталните принципи на меѓународното право зацртани во Повелбата на  ООН, а не на политичката конјунктура“, порача амбасадорот Баздникин во својот говор.

Баздникин го замени претходникот Олег Шчербик на барање на рускиот претседател Владимир Путин.