Дополнителни 700 илјади евра ќе потроши Министерството за култура за ѕидна облога од камен и ограда на скали и галерија во новиот Археолошки музеј.

Министерството за култура, на неколку месеци пред најавеното отворање на музејот, склучило Анекс договор нсо градежната компанија „Бетон“-Штип.

Дополнителните работи на објектот треба да бидат завршени за три месеци.

Од Министерството за култура не појаснуваат за каква ограда и ѕидна облога станува збор и зошто таа не била предвидена со првичниот договор за објектот.

Археолошкиот музеј - објект на седум ката со поткровје почна да се гради во 2009 година, а неговото отворање треба да се случи есенва. Во неговата изградба учествуваа владината Служба за општи и заеднички работи, Министерството за култура и Управата за заштита на културното наследство.