Вчера се дијагностицирани нови 50 ученици позитивни на коронавирусот. 

Информацијата  денеска ја соопшти министерката за образование и наука, Мила Царовска. Вели дека обврската е континуирано да се почитуваат протоколите, за училиштата да останат безбедни. 

„Училиштата не се надвор од нашето општество ниту надвор од нашите локални заедници. Наша обврска е да да ги почитуваме протоколите доследно и да правиме се училиштата да останат безбедни и да продолжат со физичко присуство“, рече Царовска. 

Таа објасни дека доколку се појави каква и да е потреба  од епидемиолошката служба или од Комисијата за заразни болести, Министерството е подготвено директно да се префрли на следен модел кој ќе биде препорачан, а трите модели се донесени и утврдени од Влада во соработка со Комисијата за заразни болести.

Во земјава Скопје има најмногу активни случаи на коронавирусот.