Уште 44 решенија за легализација на бесправно изградени објекти, денеска додели Градоначалникот на општина Кисела Вода Билјана Беличанец – Алексиќ.

- При легализацијата на дивоизградени објекти главна улога имаат граѓаните и општината. Ги повикувам сите граѓани да ја комплетираат својата документација. Крајниот рок за доставување на елаборатот е 18 јуни 2014 година, рече Беличанец - Алексиќ.

Таа додаде дека корист од процесот на легализација ќе имаат граѓаните, кои ќе станат сопственици на своите имоти, а општината ќе може да донесе нови детални урбанистички планови, во кои ќе бидат впишани и новолегализираните објекти.

- Со новите детални урбанистички планови, на граѓаните и бизнис заедницата им даваме шанса за изградба на нови објекти и проширување и реконструкција на постоечките, рече Беличанец – Алексиќ